يمـــــــــــــــــة مريولي توسخ!!

.. يـــمـــه .. مريولي توسخ!!

.. يـــمـــه ..
تكفين اسمعيني ...
.. يـــمـــه ..
بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

.. يـــمـــه ..
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

.. يـــمـــه ..
تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

.. يـــمـــه ..
تكفين ارجعي ..
اليوم حطت لي المديره ..
نجمه من فوق جبهتي ..
.. يـــمـــه ..
سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح



.. يـــمـــه ..
مريلولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
.. يـــمـــه ..
تعالي اشتري ...

.. يـــمـــه ..
عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا

.. يـــمـــه ..

يالله خلاص لاتمزحي
يالله قومي
تعالي معي للبيت ارجعي



.. يـــمـــه ..
.. يـــمـــه ..

نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


.. يـــمـــه ..
قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين .. يـــمـــه ..بكرى اصحي ..
تكفين .. يـــمـــه .. بكرى ارجعي ..

الله يخلي لنا جمع امهاتنا

منقوول للأمآنه

تحياتي